Dat war bei der Däiwel. Di 17. Fräiliichtproduktioun vun der Schankemännchen ASBL. Mir sinn immens frou dass och dëst Joer esou vill Leit de Wee op Groussbus fonnt hunn. Nei a bekannt Gesiichter, aus allen Ecken aus dem Land, déi mir zu Groussbus am Prommenhaff wärend deenen 2 Woche konnte begréissen. 8 gelonge Virstellungen, zefridde Gesiichter, vill flott Diskussioune virun an no de Spektakelen. Wat wëll ee méi.
Mat enger klenger Retrospektive iwwer eis Dernière, wou deen traditionellen Dernières-Geck um Uschloss vun der Virféierung, net därf feelen, wëlle mir hei op dëser Plaz jidderengem MERCI soen, deen eis ënnerstëtzt huet. Eiser Regie-Ekipp, den Techniker, der Opriicht-Ekipp, eise Museker, eise Kostümièren, de Coiffeusen an der Schmink-Ekipp, den Acteuren, all deene Leit déi ronderëm eng Hand mat ugepaakt hunn, eise Sponsoren a virun allem eisem treie Publikum.
Lo gëtt ë bësse gerascht an dann si mir sécher dass mir eis all an 2 Joer erëm gesinn.
Fotoen: Mireille Gereke-Pletschette
